'വോട്ട് ദുര്‍ഭരണം മാറ്റാന്‍, യു.പി ഫലം കേന്ദ്രത്തിന് സന്ദേശമാവണം'; നോയിഡയില്‍ പ്രചാരണത്തിന് ശശി തരൂര്‍

പിന്തിരിപ്പൻ നയങ്ങൾ അടിച്ചേൽപ്പിക്കുന്നവരാണ് കേന്ദ്ര സര്‍ക്കാരെന്ന് ശശി തരൂര്‍ എം.പി

നോയിഡ :സംസ്ഥാനത്തെ'ദുർഭരണം' തുടച്ചുമാറ്റാന്‍ വോട്ടുരേഖപ്പെടുത്തണമെന്ന് ഉത്തര്‍പ്രദേശിലെ ജനങ്ങളോട് ആഹ്വാനം ചെയ്‌ത് കോണ്‍ഗ്രസ് നേതാവ് ശശി തരൂര്‍ എം.പി. പിന്തിരിപ്പൻ നയങ്ങൾ അടിച്ചേൽപ്പിക്കുന്നവരാണ് കേന്ദ്ര സര്‍ക്കാര്‍. ഈ തെരഞ്ഞെടുപ്പ് ഫലം അവര്‍ക്കൊരു സന്ദേശമായി മാറണമെന്നും അദ്ദേഹം പറഞ്ഞു.

സംസ്ഥാനത്ത് അഞ്ച് വർഷം നടന്നത് ദുർഭരണമാണ്. യു.പിയിലെ രാഷ്ട്രീയ സംഭവവികാസങ്ങൾക്ക് രാജ്യത്തുടനീളം അനുരണനവും സ്വാധീനവും ഉണ്ടാക്കാന്‍ കഴിയും. ജനങ്ങൾ ഒരു വോട്ട് മാത്രമേ രേഖപ്പെടുത്താനുള്ളുവെങ്കിലും അതിന് ബഹുമുഖ പ്രാധാന്യമുണ്ട്.

ആരാണ് നിങ്ങളുടെ ശബ്‌ദമാവാന്‍ പോകേണ്ടതെന്നും, ആരാണ് നിങ്ങളുടെ താത്‌പര്യങ്ങൾ സംരക്ഷിക്കാന്‍ പോകേണ്ടതെന്നും തിരിച്ചറിഞ്ഞാവണം വോട്ട് രേഖപ്പെടുത്തേണ്ടതെന്നും അദ്ദേഹം പറഞ്ഞു. നോയിഡ കോൺഗ്രസ് സ്ഥാനാർഥി പാൻഖുരി പഥക്കിന് വേണ്ടി വോട്ടഭ്യര്‍ഥിക്കുകയായിരുന്നു അദ്ദേഹം.