'വിവരിക്കാൻ വാക്കുകൾ പോരാ'; ഗംഗുഭായ് കത്യവാഡിയിലെ ആലിയയുടെ പ്രകടനത്തെ അഭിനന്ദിച്ച് സാമന്ത

ചിത്രത്തിലെ ഓരോ സംഭാഷണങ്ങളും ഭാവങ്ങളും തന്‍റെ മനസിൽ എന്നന്നേക്കുമായി പതിഞ്ഞുകിടക്കുമെന്ന് സാമന്ത കുറിച്ചു.

മുംബൈ: ഗംഗുഭായ് കത്യവാടിയിലെ ആലിയ ഭട്ടിന്‍റെ പ്രകടനത്തെ പ്രശംസിച്ച് നടി സാമന്ത. ചിത്രത്തെ മാസ്റ്റർ പീസ് എന്ന് വിശേഷിപ്പിച്ച സാമന്ത ആലിയയുടെ അഭിനയത്തെ വിവരിക്കാൻ വാക്കുകൾ പോരാ എന്ന് തന്‍റെ ഇൻസ്റ്റഗ്രാം സ്റ്റോറിയിൽ കുറിച്ചു. ചിത്രത്തിലെ ഓരോ സംഭാഷണങ്ങളും ഭാവങ്ങളും തന്‍റെ മനസിൽ എന്നന്നേക്കുമായി പതിഞ്ഞുകിടക്കുമെന്ന് സാമന്ത കുറിച്ചു.

ഗംഗുഭായ് കത്യവാഡിയിലെ ആലിയയുടെ പ്രകടനത്തെ അഭിനന്ദിച്ച് സാമന്ത

പ്രശസ്‌ത എഴുത്തുകാരൻ ഹുസൈൻ സെയ്‌ദിയുടെ 'മാഫിയ ക്വീൻസ് ഓഫ് മുംബൈ' എന്ന പുസ്‌തകത്തെ ആസ്‌പദമാക്കി ഒരുക്കിയ ചിത്രമാണ് ഗംഗുഭായ് കത്യവാടി. ഗംഗുഭായിയുടെ വേഷത്തെയാണ് ചിത്രത്തില്‍ ആലിയ അവതരിപ്പിച്ചത്‌. 1960 കളിൽ മുംബൈയിലെ റെഡ്-ലൈറ്റ് ഏരിയയായ കാമാത്തിപുരയിലെ പ്രധാനിയായ ഒരു വനിതയായിരുന്നു ഗംഗുഭായ്‌.

കന്യകയായിരുന്ന ഗംഗുഭായ് വേശ്യാവൃത്തിയിലേക്ക് എത്തിച്ചേരുന്നതിന്‍റെയും അധോലോകത്തെയും കാമാത്തിപുര റെഡ് ലൈറ്റ് ജില്ലയിലെ പ്രമുഖയും ആയിത്തീരുന്നതിന്‍റെ കഥ പറയുന്ന ചിത്രമാണ് ഗംഗുഭായ് കത്യവാടി. സഞ്ജയ് ലീലാ ബൻസാലി സംവിധാനം ചെയ്‌ത ചിത്രത്തിൽ അജയ് ദേവ്ഗൺ പ്രധാന കഥാപാത്രത്തെ അവതരിപ്പിക്കുന്നുണ്ട്.

ആദ്യദിനം തന്നെ 10.5 കോടിയിലധികം കളക്ഷൻ നേടിയ ചിത്രം ബോക്‌സ് ഓഫീസിൽ പ്രശംസനീയമായ തുടക്കം കുറിച്ചിരിക്കുകയാണ്.