ക്ഷേത്രത്തിന് മുന്‍പില്‍ നിര്‍ത്തിയിട്ട ബുള്ളറ്റിന് തീപിടിച്ചു ; ഉഗ്ര ശബ്ദത്തില്‍ പൊട്ടിത്തെറി

തീപിടിച്ചത് വെയിലത്ത് നിര്‍ത്തിയിട്ടിരുന്ന റോയല്‍ എന്‍ഫീല്‍ഡ് ബുള്ളറ്റിന് ; വലിയ ശബ്‌ദത്തോടെ പൊട്ടിത്തെറി

അമരാവതി :ആന്ധ്രാപ്രദേശിലെ അനന്തപൂർ ജില്ലയില്‍ ഇരുചക്രവാഹനത്തിന് തീപിടിച്ച് പൊട്ടിത്തെറിച്ചു. ഗുണ്ടക്കല്ലു സപുരം നെറ്റിക്കണ്ടിയിലെ ആഞ്ജനേയ സ്വാമി ക്ഷേത്രത്തിന് മുന്‍പില്‍ എപ്രില്‍ മൂന്നിനാണ് സംഭവം. പൊടുന്നനെ തീപിടിച്ച റോയല്‍ എന്‍ഫീല്‍ഡ് ബുള്ളറ്റ് വലിയ ശബ്‌ദത്തോടെയാണ് പൊട്ടിത്തെറിച്ചത്.

ഉഗാദി ആഘോഷത്തിന്‍റെ ഭാഗമായി കര്‍ണാടകയിലെ മൈസൂരില്‍ നിന്നും ദര്‍ശനത്തിനെത്തിയ രവിചന്ദ്ര എന്നയാളുടെ വാഹനമാണിത്. സംഭവം ഭക്തരില്‍ നടുക്കമുണ്ടാക്കി. വെയിലത്ത് പാര്‍ക്ക് ചെയ്‌തിരുന്ന വാഹനം പൂർണമായും കത്തിനശിച്ചു. സംഭവത്തില്‍ ആര്‍ക്കും പരിക്കില്ല.