മുംബൈ : മുംബൈയില്‍ പട്ടാപ്പകല്‍ ജീവനക്കാരനെ വെടിവച്ചുകൊന്ന് എസ്‌ബിഐയില്‍ കവര്‍ച്ച നടത്തിയ രണ്ടുപേര്‍ പൊലീസ് പിടിയില്‍. ഇവരുടെ പേരുവിവരങ്ങള്‍ പുറത്തുവിട്ടിട്ടില്ല. മുംബൈ ദഹിസറിലെ സ്റ്റേറ്റ് ബാങ്ക് ഓഫ് ഇന്ത്യ ശാഖയിലായിരുന്നു മോഷണം. ബുധനാഴ്‌ച വൈകിട്ട് 3.30നാണ് മാസ്ക് ധരിച്ച രണ്ട് പേര്‍ തോക്കുകളുമായി കവര്‍ച്ച നടത്തിയത്. അക്രമികളുടെ വെടിയേറ്റ് ഒരു ജീവനക്കാരന്‍ കൊല്ലപ്പെടുകയും കാവല്‍ക്കാരന് പരിക്കേല്‍ക്കുകയും ചെയ്തു. രണ്ടര ലക്ഷം രൂപയാണ് ബാങ്കില്‍ നിന്ന് കവര്‍ന്നത്.
പട്ടാപ്പകല്‍ ജീവനക്കാരനെ വെടിവച്ചുകൊന്ന് എസ്‌ബിഐയില്‍ നടത്തിയ കവര്‍ച്ച : പ്രതികള്‍ അറസ്റ്റില്‍