ന്യൂഡല്‍ഹി: ഡല്‍ഹി സര്‍വകലാശയില്‍ നിന്നും വിരമിച്ച അധ്യാപക ദമ്പതികൾ തൂങ്ങി മരിച്ചു. പ്രൊഫസർ രാകേഷ് കുമാർ ജെയിൻ (74), ഭാര്യ ഉഷ ജെയിൻ (69) എന്നിവരെയാണ് ഗോവിന്ദ്പുരി ഏരിയയിലെ വീട്ടില്‍ സ്റ്റീല്‍ പൈപ്പില്‍ തൂങ്ങി മരിച്ച നിലയില്‍ കണ്ടെത്തിയത്.
ഇവരുടെ മൃതദേഹത്തിനരികിൽ നിന്ന് രണ്ട് വ്യത്യസ്ത ആത്മഹത്യാ കുറിപ്പുകള്‍ പൊലീസ് കണ്ടെടുത്തിട്ടുണ്ട്. ദീര്‍ഘനാളായി കിടപ്പിലായത് മാനസികമായി തളര്‍ത്തിയതാണ് ആത്മഹത്യക്ക് കാരണമെന്നാണ് കുറിപ്പിലുള്ളത്. അടുത്തിടെയുണ്ടായ ഒരു അപകടത്തില്‍ ഇരുവര്‍ക്കും പരിക്കേല്‍ക്കുകയും ശരീരത്തില്‍ ഒന്നിലധികം ഒടിവുകളുണ്ടാവുകയും ചെയ്‌തിരുന്നു.