ശ്രീനഗർ : അക്‌തർ, ബ്രെറ്റ്‌ലീ, ഷെയ്‌ൻ ബോണ്ട്... ക്രിക്കറ്റ് പിച്ചുകളില്‍ വേഗം കൊണ്ട് ബാറ്റർമാരെ മാത്രമല്ല, ലോകത്തെ തന്നെ അമ്പരപ്പിച്ച ബൗളർമാരുടെ പേരുകൾ ഒരുപാടുണ്ട്. തുടർച്ചയായി 150 കിലോമീറ്ററിന് മുകളില്‍ പന്തെറിഞ്ഞിരുന്ന വിദേശ ബൗളർമാരെ കാണുമ്പോൾ ഇന്ത്യൻ ക്രിക്കറ്റ് ആരാധകർക്ക് എന്നും അസൂയയായിരുന്നു.
എന്നാണ് ഒരു ഇന്ത്യൻ താരം 150 കിലോമീറ്ററിന് മുകളില്‍ പന്തെറിയുന്നതെന്ന് ചോദിച്ചും പറഞ്ഞും കാലം കടന്നുപോയി. അതിനിടെ ഉമേഷ് യാദവും ബുംറയും ഷമിയും വന്നു. ആരാധകരുടെ കാത്തിരിപ്പ് തുടരുന്നതിനിടെ അതാ വരുന്നു കശ്‌മീരില്‍ നിന്നൊരു താരം. പേര് ഉമ്രാൻ മാലിക്. മിന്നല്‍ മാലിക്കെന്ന് ആരാധകർ വിളിക്കുന്ന ഉമ്രാൻ മാലിക്കിന്‍റെ കഥയില്‍ ഒരച്ഛന്‍റെ അതിയായ ആഗ്രഹവും ക്രിക്കറ്റിനോടുള്ള മകന്‍റെ അടങ്ങാത്ത അഭിനിവേശവുമുണ്ട്.
സെലക്ഷന് പോയത് കടം വാങ്ങിയ ഷൂസുമായി, ഇന്ന് തീ തുപ്പും പന്തുകളുമായി ഇന്ത്യൻ ടീമിലേക്ക്; മിന്നൽ വേഗത്തിൽ ഉമ്രാൻ മാലിക്