ദുർഗാപൂർ (പശ്ചിമ ബംഗാള്‍): പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്‌തതിനെ തുടർന്ന് അയൽവാസിയായ ലത്തിഫുൾ ഷെയ്ഖിനെ പൊലീസ് അറസ്‌റ്റ്‌ ചെയ്‌തു. ബലാത്സംഗം ചെയ്യുന്നതിന്‍റെ വൈറൽ വീഡിയോ പ്രതി മൊബൈൽ ഫോണിൽ ഇരയുടെ അമ്മയെ കാണിച്ചതിനെ തുടർന്നാണ് അറസ്‌റ്റ്‌ (minor girl Rape video goes viral).
ദുർഗാപൂരിലെ കോക്ക് ഓവൻ പോലീസ് സ്‌റ്റേഷൻ പരിധിയിൽ നിന്നാണ് പ്രതിയെ പിടികൂടിയത്. പ്രതിക്കെതിരെ ബലാത്സംഗ കുറ്റം ചുമത്തുകയും വ്യാഴാഴ്‌ച പൊലീസ് കസ്‌റ്റഡിയിൽ ആവശ്യപ്പെട്ട് ദുർഗാപൂർ കോടതിയിൽ ഹാജരാക്കുകയും ചെയ്‌തു (Victim's family lodges complaint accused arrested ).
അതേസമയം പ്രതിയെ ഏഴ് ദിവസത്തെ പൊലീസ് കസ്‌റ്റഡിയിൽ വിടാൻ ദുർഗാപൂർ കോടതി ജഡ്‌ജി ഉത്തരവിട്ടു. ഇരയുടെ അമ്മ നൽകിയ പരാതിയുടെ അടിസ്ഥാനത്തിലാണ് പ്രതിയെ അറസ്‌റ്റ്‌ ചെയ്‌തതെന്നും കസ്‌റ്റഡി അപേക്ഷയുമായി കോടതിയിൽ ഹാജരാക്കിയെന്നും അസൻസോൾ ദുർഗാപൂർ പൊലീസ് കമ്മിഷണറേറ്റ് എസ്ഇപി ദുർഗാപൂർ തഥാഗത പാണ്ഡെ പറഞ്ഞു.
ഇരയുടെ അമ്മയുടെ മൊഴി: തന്‍റെ മകൾ ബലാത്സംഗം ചെയ്യപ്പെട്ടു. വീഡിയോ വൈറലായി. പ്രതിയായ അയൽവാസി തന്‍റെ മകളെ ഏകദേശം 15 ദിവസം മുമ്പ് വീട്ടിലേക്ക് വിളിച്ചുവരുത്തിയതായി അമ്മ ആരോപിച്ചു. അവിടെ വച്ച് പ്രായപൂർത്തിയാകാത്ത പെൺകുട്ടിയെ കുടിവെള്ളത്തിൽ ലഹരി കലർത്തുകയും ബോധരഹിതയാക്കുകയും ചെയ്‌തു.
തുടർന്ന് അയൽവാസി പെൺകുട്ടിയെ ബലാത്സംഗം ചെയ്‌തു. മാത്രമല്ല, ബലാത്സംഗത്തിന്‍റെ വീഡിയോയും ചിത്രങ്ങളും പ്രതിയുടെ മൊബൈൽ ഫോണുകളിൽ പകർത്തിയിട്ടുണ്ട്. പെണ്‍കുട്ടി ഭയന്ന് വീട്ടിൽ ഒന്നും പറഞ്ഞില്ല. അതേസമയം അയൽപക്കത്ത് പോകാൻ അവൾ ആഗ്രഹിച്ചില്ലെന്നും ഇരയുടെ അമ്മ പറഞ്ഞു.