ഡല്‍ഹി: ടോക്കിയോ ഒളിമ്പിക്‌സില്‍ ജാവലിന്‍ ത്രോയില്‍ സ്വര്‍ണ മെഡല്‍ നേടി ചരിത്രം രചിച്ച നീരജ് ചോപ്രയുടെ വിജയമാഘോഷിച്ച് ഇന്ത്യന്‍ സൈന്യം. രജ്‌പുതാന റൈഫിള്‍സ് റെജിമെന്‍റിലെ സേനാംഗങ്ങളാണ് നീരജ് ചോപ്രക്ക് മുദ്രാവാക്യം വിളിച്ച് വിജയം ആഘോഷിച്ചത്. ഇതേ റെജിമെന്‍റിലെ സുബേദാറാണ് നീരജ് ചോപ്ര.
ടോക്കിയോയില്‍ 87.03 മീറ്റര്‍ ദൂരം എറിഞ്ഞാണ് നീരജ് ചോപ്ര ചരിത്രം കുറിച്ചത്. ഇതോടെ 120 വര്‍ഷത്തിനിടെ ഒളിമ്പിക്‌സില്‍ മെഡല്‍ നേടുന്ന ആദ്യ ഇന്ത്യന്‍ അത്‌ലറ്റ് എന്ന അപൂര്‍വ നേട്ടവും നീരജ് സ്വന്തമാക്കി. വ്യക്തിഗത ഇനത്തില്‍ അഭിനവ് ബിന്ദ്രയ്ക്ക് ശേഷം സ്വര്‍ണം നേടുന്ന രണ്ടാമത്തെ ഇന്ത്യാക്കാരനുമാണ് നീരജ് ചോപ്ര.
നീരജ് ചോപ്രയുടെ ചരിത്ര നേട്ടം ആഘോഷിച്ച് സൈന്യം