ഗുജറാത്ത്: കൊവിഡ് വാക്‌സിന്‍ സ്വീകരിക്കാന്‍ വിമുഖത കാണിക്കുന്നവര്‍ക്ക് മുന്നില്‍ പല ഓഫറുകളുമായി അധികൃതര്‍ എത്താറുണ്ട്. പലവിധ സാധനങ്ങള്‍ സൗജന്യമായി നല്‍കിയാണ് വിദേശ രാജ്യങ്ങളില്‍ ആളുകളെ കൊവിഡ് വാക്‌സിൻ എടുക്കാൻ പ്രേരിപ്പിക്കുന്നത്. എന്നാല്‍ വാക്‌സിനേഷനില്‍ ഒരു പടി കൂടി കടന്നിരിക്കുകയാണ് രാജ്‌കോട്ട് മുന്‍സിപ്പല്‍ കോര്‍പ്പറേഷന്‍.
ചെറുതല്ല ഈ സമ്മാനം
ഡിസംബര്‍ നാലിനും പത്തിനും ഇടയ്‌ക്ക് കൊവിഡ് വാക്‌സിന്‍റെ രണ്ട് ഡോസുകളും എടുക്കുന്നവര്‍ക്ക് നറുക്കെടുപ്പിലൂടെ 50,000 വില വരുന്ന സ്‌മാര്‍ട്ട് ഫോണ്‍ സമ്മാനമായി നല്‍കുമെന്നാണ് കോര്‍പ്പറേഷന്‍റെ വാഗ്‌ദാനം.