രാജസ്ഥാനിൽ രണ്ട് സീറ്റുകളിൽ സിപിഎം മുന്നേറ്റം

Rajasthan Assembly Election Results 2023 : ഭദ്ര, ദുൻഗർഗർ മണ്ഡലങ്ങളില്‍ സിപിഎം മുന്നിൽ

ജയ്‌പൂര്‍ :അഞ്ച് സംസ്ഥാന നിയമസഭകളിലേക്കുള്ള തെരഞ്ഞെടുപ്പുകളിൽ മിസോറാം ഒഴികെയുള്ള ഇടങ്ങളിൽ വോട്ടെണ്ണൽ പുരോഗമിക്കുകയാണ്. കോൺഗ്രസും ബിജെപിയും ശക്തമായ മത്സരമാണ് രാജസ്ഥാനില്‍ കാഴ്ചവച്ചത്. സംസ്ഥാനത്ത് കേവല ഭൂരിപക്ഷമുറപ്പിച്ച് ബിജെപി മുന്നേറുകയാണ് (Rajasthan Assembly Election Results 2023). സംസ്ഥാനത്ത് 105 സീറ്റിലാണ് ബിജെപിയുടെ മുന്നേറ്റം.

കോൺഗ്രസ് രാജസ്ഥാനിൽ 83 സീറ്റുകളിൽ ലീഡ് ചെയ്യുന്നു. അതേസമയം സിപിഎം രാജസ്ഥാനിൽ രണ്ട് സീറ്റുകളിൽ ലീഡ് ചെയ്യുന്നുണ്ട്. രാജസ്ഥാനിലെ ഹനുമാൻഗർ ജില്ലയിലെ ഭദ്ര മണ്ഡലത്തിൽ സിപിഎം സ്ഥാനാർഥി ബൽവാൻ പൂനിയയാണ് മുന്നിൽ. ചുരു ജില്ലയിലെ ദുൻഗർഗർ മണ്ഡലത്തിലും സിപിഎം മുന്നേറ്റം തുടരുകയാണ്. ഗിർധരി ലാൽ ആണ് ഇവിടുത്തെ സിപിഎം സ്ഥാനാർഥി.