മുംബൈ: നീലച്ചിത്ര നിർമാണവുമായി ബന്ധപ്പെട്ട് അറസ്റ്റിലായ പ്രമുഖ വ്യവസായി രാജ് കുന്ദ്രയെ കുരുക്കിലാക്കി മുംബൈ പൊലീസിന്‍റെ വെളിപ്പെടുത്തല്‍. രാജ് കുന്ദ്രയും സഹോദരി ഭര്‍ത്താവായ പ്രദീപ് ബാക്ഷിയും അന്താരാഷ്‌ട്ര തലത്തില്‍ പ്രവര്‍ത്തിക്കുന്ന നീലചിത്ര റാക്കറ്റിന്‍റെ മാസ്‌റ്റര്‍മൈന്‍ഡുകളാണെന്ന് മുംബൈ പൊലീസ് വെളിപ്പെടുത്തി.
പ്രമുഖരുടെ പങ്ക്
ഇന്ത്യയിലും യുകെയിലുമുള്ള കുന്ദ്രയുടേയും ബാക്ഷിയുടേയും കണ്ടന്‍റ് പ്രൊഡക്ഷന്‍ കമ്പനികളിലൂടെയാണ് ഇതിന്‍റെ പ്രവര്‍ത്തനമെന്നാണ് പൊലീസ് വ്യക്തമാക്കുന്നത്. പ്രമുഖ അഭിനേതാക്കളും മോഡലുകളും ഇതിന് പിന്നിലുണ്ടെന്നും ഇന്ത്യയിലും വിദേശത്തുമായി രഹസ്യ ലൊക്കേഷനുകളില്‍ നീലച്ചിത്രങ്ങളുടെ ചിത്രീകരണങ്ങള്‍ നടക്കുന്നുണ്ടെന്നും ഹോട്ട് കണ്ടെന്‍റ് എന്ന പേരില്‍ വിവിധ മാധ്യമ പ്ലാറ്റ്ഫോമുകളിലൂടെ വില്‍ക്കുകയുമാണ് ചെയ്യുന്നതെന്ന് പേരു വെളിപ്പെടുത്താത്ത പ്രമുഖ നിര്‍മാതാവ് പറഞ്ഞു.