ന്യൂഡല്‍ഹി :വിലക്കയറ്റവും തൊഴിലില്ലായ്‌മയും ഉയര്‍ത്തി കേന്ദ്രസര്‍ക്കാറിനെ വിമര്‍ശിച്ച് കോണ്‍ഗ്രസ് നേതാവ് രാഹുല്‍ ഗാന്ധി. 'തൊഴിലില്ലായ്‌മയും വിലക്കയറ്റവും രാജ്യത്തെ ജനങ്ങളെ ക്ഷീണിപ്പിച്ചിരിക്കുകയാണ്. ഈ പ്രശ്നങ്ങളിലാണ് കേന്ദ്ര സര്‍ക്കാര്‍ അവരുടെ ബുള്‍ഡോസര്‍ ചലിപ്പിക്കേണ്ടത്. എന്നാല്‍ വിദ്വേഷവും ഭീകരതയുമാണ് ബിജെപിയുടെ ബുള്‍ഡോസറിനെ ചലിപ്പിക്കുന്നത്' - രാഹുല്‍ ഗാന്ധി ഹിന്ദിയില്‍ ട്വീറ്റ് ചെയ്‌തു.
ഉത്തര്‍പ്രദേശില്‍ ബിജെപി വീണ്ടും അധികാരത്തില്‍ വന്നപ്പോള്‍ വലിയ ബുള്‍ഡോസര്‍ റാലിയുണ്ടായിരുന്നു. ഇതിനെ പരോക്ഷമായി സൂചിപ്പിച്ചാണ് ബുള്‍ഡോസര്‍ പരാമര്‍ശം. രാജ്യത്ത് നിലവിലെ റീട്ടേയല്‍ പണപ്പെരുപ്പം 6.35 ശതമാനമാണ്.