നിവാർ ചുഴലിക്കാറ്റ്; ദുരിത ബാധിതർക്ക് എല്ലാ സാഹായവും നൽകാൻ അഭ്യർത്ഥിച്ച് രാഹുൽ ഗാന്ധി

നവംബർ 25ന്​ വൈകി​ട്ടോടെ കാരയ്ക്കൽ, മാമല്ലപുരം എന്നിവിടങ്ങളിൽ ചുഴലിക്കാറ്റ്​ വീശിയടിക്കാനാണ്​ സാധ്യതയെന്ന്​ ഇന്ത്യൻ മെട്രോളജിക്കൽ വിഭാഗം അറിയിച്ചു

ന്യൂഡൽഹി: തമിഴ്‌നാട്, ആന്ധ്രാപ്രദേശ്, പുതുച്ചേരി എന്നിവിടങ്ങളിൽ വീശി അടിക്കുന്ന നിവാർ ചുഴലിക്കാറ്റിനെ നേരിടാൻ ജനങ്ങളെ സഹായിക്കണമെന്ന് പാർട്ടി അംഗങ്ങളോട് അഭ്യർത്ഥിച്ച് രാഹുൽ ഗാന്ധി. ട്വിറ്ററിലൂടെയാണ് രാഹുൽ പ്രവർത്തകരോട് സഹായം നൽകാൻ ആവശ്യപ്പെട്ടത്.

നവംബർ 25ന്​ വൈകി​ട്ടോടെ കാരയ്ക്കൽ, മാമല്ലപുരം എന്നിവിടങ്ങളിൽ ചുഴലിക്കാറ്റ്​ വീശിയടിക്കാനാണ്​ സാധ്യതയെന്ന്​ ഇന്ത്യൻ മെട്രോളജിക്കൽ വിഭാഗം അറിയിച്ചു. ചുഴലിക്കാറ്റ് 110 മുതൽ 120 കിലോമീറ്റർ വേഗതയിൽ വീശുമെന്ന് കാലാവസ്ഥാ വകുപ്പ് ചൊവ്വാഴ്ച മുന്നറിയിപ്പ് നർകിയിട്ടുണ്ട്. നവംബർ 23 മുതൽ 26 വരെ തമിഴ്‌നാട്ടിലെ തീരപ്രദേശങ്ങളിൽ കനത്ത മഴക്ക് സാധ്യതയുണ്ട്.