ന്യൂഡല്‍ഹി: ടോക്കിയോ ഒളിമ്പിക്‌സില്‍ വെങ്കല മെഡല്‍ നേടിയ ബാഡ്‌മിന്‍റണ്‍ താരം പി.വി സിന്ധുവിന് ഡല്‍ഹി വിമാനത്താവളത്തില്‍ ഉജ്ജ്വല സ്വീകരണം. ടോക്കിയോയില്‍ നിന്ന് ഡല്‍ഹിയിലെത്തിയ താരത്തെ ഹര്‍ഷാരവത്തോടെ വിമാനത്താവളത്തിലെ ജീവനക്കാര്‍ സ്വീകരിച്ചു.
വെങ്കല മെഡല്‍ ജേതാവ് പിവി സിന്ധുവിന് ഡല്‍ഹിയില്‍ ഉജ്ജ്വല സീകരണം
ബാഡ്‌മിന്‍റണ്‍ അസോസിയേഷന്‍ ഓഫ് ഇന്ത്യ (ബായ്) ജനറല്‍ സെക്രട്ടറി അജയ് സിംഘാനിയയും സായിയുടെ പ്രതിനിധികളും സിന്ധുവിനെ സ്വീകരിക്കാന്‍ വിമാനത്താവളത്തില്‍ കാത്ത് നിന്നിരുന്നു. സിന്ധുവിന്‍റെ കോച്ച് പാര്‍ക്ക് തെ സാങ്ങും സിന്ധുവിനൊപ്പമുണ്ടായിരുന്നു.
"ഞാന്‍ എറെ സന്തോഷവതിയാണ്. എന്നെ പിന്തുണയ്ക്കുകയും പ്രോത്സാഹിപ്പിക്കുകയും ചെയ്‌ത ബാഡ്‌മിന്‍റണ്‍ അസോസിയേഷന്‍ ഓഫ് ഇന്ത്യയ്ക്കും മറ്റ് എല്ലാവര്‍ക്കും നന്ദി. ഇത് ആവേശകരമായ ദിനമാണ്," സിന്ധു പറഞ്ഞു.