ഗുണ്ടൂര്‍ (ആന്ധ്രാപ്രദേശ്) :മുന്‍സിപ്പല്‍ കോര്‍പറേഷനില്‍ എരുമകളുമായി കര്‍ഷകരുടെ പ്രതിഷേധം. ആന്ധ്രപ്രദേശിലെ ഗുണ്ടൂരിലാണ് സംഭവം. കന്നുകാലികളെ വളര്‍ത്തുന്ന ബുറഗദ്ദ ശ്രീനിവാസനെതിരെ കോര്‍പറേഷന്‍ ഉദ്യോഗസ്ഥര്‍ നടപടി സ്വീകരിച്ചതിനെതിരെയാണ് ഒരു കൂട്ടം കര്‍ഷകര്‍ തങ്ങളുടെ എരുമകളുമായി ഗുണ്ടൂര്‍ കോര്‍പറേഷന്‍ വളഞ്ഞത്.
എരുമകളുടെ ഗന്ധം വമിക്കുന്നതിനാൽ വീട്ടിലിരിക്കാൻ പ്രയാസമാണെന്ന് ചൂണ്ടിക്കാട്ടി ശ്രീനിവാസന്‍റെ അയല്‍വാസി കോര്‍പറേഷനില്‍ പരാതിപ്പെട്ടിരുന്നു. പിന്നാലെ ശ്രീനിവാസന് വിഷയത്തില്‍ അധികൃതര്‍ നോട്ടിസ് അയച്ചു. ഇതിന് ശ്രീനിവാസന്‍റെ ഭാഗത്തുനിന്നും മറുപടി ലഭിക്കാതെ വന്നതോടെ കോര്‍പറേഷനിലെ ഹെല്‍ത്ത് ഇന്‍സ്‌പെക്‌ടര്‍ ഇയാളുടെ എരുമകളെ ഓഫിസ് വളപ്പില്‍ കൊണ്ട് കെട്ടി.
മുന്‍സിപ്പല്‍ കോര്‍പ്പറേഷനില്‍ എരുമകളുമായി കര്‍ഷകരുടെ പ്രതിഷേധം