ലഖ്‌നൗ: അടുത്ത വർഷം നിയമസഭ തെരഞ്ഞെടുപ്പ് നടക്കുന്ന ഉത്തർപ്രദേശിൽ തെരഞ്ഞെടുപ്പ് യോഗങ്ങൾക്ക് നേതൃത്വം നല്‍കി പ്രിയങ്ക ഗാന്ധി. ഉത്തർപ്രദേശിന്‍റെ ചുമതലയുള്ള പ്രിയങ്ക ഗാന്ധി ഞായറാഴ്‌ച റായ്‌ബറേലി സന്ദർശിക്കും.
തെരഞ്ഞെടുപ്പ് തന്ത്രങ്ങൾ, സംഘടന പദവി, സ്ഥാനാർഥികളുടെ പേരുകൾ ഉൾപ്പടെയുള്ള വിഷയങ്ങളിൽ പ്രിയങ്ക ഗാന്ധി ചർച്ച നടത്തും. ബ്ലോക്ക് പ്രസിഡന്‍റുമാർ, ന്യായ പഞ്ചായത്ത് പ്രസിഡന്‍റുമാർ, സിറ്റി പ്രസിഡന്‍റുമാർ തുടങ്ങിയവർ പങ്കെടുക്കുന്ന യോഗങ്ങളിൽ പ്രിയങ്ക ഗാന്ധി സംസാരിക്കും. പിസിസി അംഗങ്ങളുമായി പ്രിയങ്ക ഗാന്ധി സംവദിക്കും. മുൻ നിയമസഭ സമാജികരും മുതിർന്ന പാർട്ടി പ്രവർത്തകരുമായും പ്രിയങ്ക ആശയവിനിമയം നടത്തും.