Private Plane skids off at Mumbai Airport : മുംബൈ വിമാനത്താവളത്തിൽ സ്വകാര്യ വിമാനം റൺവേയിൽ നിന്ന് തെന്നിമാറി

Aircraft Skidded Off Mumbai Airport Runway : എട്ട് പേർ സഞ്ചരിച്ച വിശാഖപട്ടണത്ത് നിന്ന് മുംബൈയിലേക്കുള്ള വിമാനം മുംബൈ വിമാനത്താവളത്തിൽ റൺവേയിൽ നിന്ന് തെന്നിമാറി

മുംബൈ : മഹാരാഷ്‌ട്രയിലെ മുംബൈ വിമാനത്താവളത്തിൽ (Mumbai airport) വിമാനം റൺവേയിൽ നിന്ന് തെന്നിമാറി അപകടം. ഇന്ന് വൈകീട്ട് 5.02 നായിരുന്നു സംഭവം (Private Plane skids off at Mumbai Airport). വിശാഖപട്ടണത്ത് നിന്ന് മുംബൈയിലേക്കുള്ള വിഎസ്ആർ വെഞ്ചേഴ്‌സ് ലിയർജെറ്റ് 45 എയർക്രാഫ്‌റ്റ് വിടി-ഡിബിഎൽ ഓപ്പറേറ്റിങ് വിമാനമാണ് (VSR Ventures Learjet 45 aircraft VT-DBL operating flight) അപകടത്തിൽപ്പെട്ടത്. ആറ് യാത്രക്കാരും രണ്ട് ജീവനക്കാരും ഉൾപ്പടെ എട്ട് പേരാണ് വിമാനത്തിൽ ഉണ്ടായിരുന്നത്. മുംബൈ വിമാനത്താവളത്തിലെ റൺവേ 27ൽ ലാൻഡ് ചെയ്യുമ്പോൾ മഴയെ തുടർന്നാണ് അപകടം സംഭവിച്ചതെന്നാണ് പ്രാഥമിക വിവരം. ആളപായമൊന്നും റിപ്പോർട്ട് ചെയ്‌തിട്ടില്ല.