ചണ്ഡിഗഡ് : ഗാർഹിക ഉപഭോക്താക്കൾക്കുള്ള വൈദ്യുതി നിരക്ക് കുറച്ച് പഞ്ചാബ് സർക്കാർ. യൂണിറ്റിന് മൂന്ന് രൂപയാണ് കുറവ് വരുത്തിയിരിക്കുന്നതെന്ന് മുഖ്യമന്ത്രി ചരൺജിത് സിങ് ചന്നി. ഇന്ന് നടന്ന മന്ത്രിസഭ യോഗത്തിലാണ് ഇത് സംബന്ധിച്ച തീരുമാനമെടുത്തത്.
100 യൂണിറ്റ് വരെയുള്ള ഉപഭോഗത്തിന് (2 കിലോവാട്ട് വരെ) വൈദ്യുതി നിരക്ക് യൂണിറ്റിന് 4.19 രൂപയിൽ നിന്ന് 1.19 രൂപയായും, 101-300 യൂണിറ്റുകൾക്ക് 4.01 രൂപയും, 300 യൂണിറ്റിന് മുകളിലുള്ളതിന് നിരക്ക് 4.01 രൂപയായും കുറയുമെന്നും മുഖ്യമന്ത്രി പറഞ്ഞു.
തീരുമാനം ഉടന്‍ പ്രാബല്യത്തില്‍ വരുമെന്നും ഇതോടെ രാജ്യത്ത് കുറഞ്ഞ നിരക്കില്‍ ഗാർഹിക ഉപഭോക്താക്കൾക്ക് വൈദ്യുതി നല്‍കുന്ന സംസ്ഥാനമായി പഞ്ചാബ് മാറിയെന്നും ചന്നി അവകാശപ്പെട്ടു.