ചൈബസ:മാവോയിസ്റ്റ് പ്രദേശമായ പടിഞ്ഞാറൻ സിംഗ്‌ഭും ജില്ലയിലെ ചൈബസ വനപ്രദേശത്ത് നിന്നും അഞ്ച് ഐഇഡി ബോംബുകൾ സുരക്ഷ ഉദ്യോഗസ്ഥർ കണ്ടെടുത്തതായി പൊലീസ് അറിയിച്ചു. രഹസ്യ വിവരത്തെത്തുടർന്ന് ജില്ലാ പൊലീസും സിആർപിഎഫ് 60 ബറ്റാലിയൻ ഉദ്യോഗസ്ഥരും വ്യാപകമായി നടത്തിയ തിരച്ചിലിലാണ് രണ്ട് കിലോഗ്രാം വീതം ഭാരമുള്ള സ്‌ഫോടകവസ്‌തുക്കൾ കണ്ടെത്തിയത്.
തുടർന്ന് സിആർപിഎഫിന്‍റെ ബോംബ് സ്‌ക്വാഡ് സ്‌ഫോടകവസ്‌തുക്കൾ നിർവീര്യമാക്കിയതായി അറിയിച്ചു. സുരക്ഷാ ഉദ്യോഗസ്ഥരെ ലക്ഷ്യമിട്ടാണ് ഇവ സ്ഥാപിച്ചതെന്നും സംഭവത്തിൽ എഫ്ഐആർ രജിസ്റ്റർ ചെയ്തതായും പൊലീസ് പറഞ്ഞു.