'സഭയില്‍ ജനാധിപത്യം ഉറപ്പാക്കുന്നതില്‍ വിജയിച്ചു' ; ഓം ബിര്‍ളയെ പ്രശംസിച്ച് മോദി

2019 ജൂൺ 19 നാണ് ഓം ബിർള 17-ാമത് ലോക്‌സഭ സ്‌പീക്കറായി തെരഞ്ഞെടുക്കപ്പെട്ടത്.

ന്യൂഡൽഹി: ലോക്‌സഭ സ്‌പീക്കർ പദവിയിൽ രണ്ടുവർഷം പൂർത്തിയാക്കിയ ഓം ബിർളയെ പ്രശംസിച്ച് പ്രധാനമന്ത്രി നരേന്ദ്ര മോദി. ഇക്കാലയളവില്‍ പാർലമെന്‍റിൽ ജനാധിപത്യം മുന്നോട്ടുകൊണ്ടുപോകുന്നതിൽ സ്‌പീക്കർ വിജയിച്ചെന്ന് പ്രധാനമന്ത്രി പ്രശംസിച്ചു. ട്വിറ്ററിലൂടെയാണ് പ്രധാനമന്ത്രി അഭിനന്ദനം അറിയിച്ചത്.

2019 ജൂൺ 19 നാണ് ഓം ബിർള 17-ാമത് ലോക്‌സഭാ സ്‌പീക്കറായി തെരഞ്ഞെടുക്കപ്പെട്ടത്. സ്‌പീക്കർ എന്ന നിലയിൽ സഭയിൽ പുതുമുഖങ്ങൾക്കും വനിതകൾക്കും സംസാരിക്കാൻ അദ്ദേഹം അവസരം നൽകിയിരുന്നു.

പാര്‍ലമെന്‍ററി സമിതികള്‍ ശക്തിപ്പെടുത്താനും സുപ്രധാന നിയമനിർമാണങ്ങൾ സഭയിൽ ചർച്ചയ്‌ക്കെടുക്കാനും അദ്ദേഹം ശ്രദ്ധവച്ചിട്ടുണ്ട്.