റോം: കാലാവസ്ഥാ വ്യതിയാനവും പരിസ്ഥിതിയും സംബന്ധിച്ച ജി20 ഉച്ചകോടിയുടെ രണ്ടാം സെഷനിൽ പ്രധാനമന്ത്രി നരേന്ദ്ര മോദി ഇന്ന് പങ്കെടുക്കും. സ്പാനിഷ് പ്രധാനമന്ത്രി പെഡ്രോ സാഞ്ചെസുമായും സ്ഥാനമൊഴിയുന്ന ജർമ്മൻ ചാൻസലർ ആംഗല മെർക്കലുമായും അദ്ദേഹം ഉഭയകക്ഷി ചർച്ച നടത്തിയേക്കും.
ശനിയാഴ്ച നടന്ന ആദ്യ സെഷനില്‍ ആഗോള സമ്പദ്‌വ്യവസ്ഥയെയും ആരോഗ്യത്തെയും കുറിച്ചായിരുന്നു ലോക നേതാക്കള്‍ ചര്‍ച്ച ചെയ്‌തത്. ആദ്യ സെഷൻ സമാപിച്ച ശേഷം, ജി 20 ഉച്ചകോടിയിലെ നടപടികൾ "വിപുലവും ഉൽപ്പാദനക്ഷമവുമാണ്" എന്ന് മോദി ട്വിറ്ററിൽ കുറിച്ചിരുന്നു.