ന്യൂഡൽഹി: പ്രധാനമന്ത്രി നരേന്ദ്ര മോദി ഫ്രഞ്ച് പ്രസിഡന്‍റ് ഇമ്മാനുവൽ മാക്രോണുമായുള്ള സംഭാഷണം നടത്തി. ടെലിഫോൺ സംഭാഷണമാണ് നടത്തിയെന്ന് മോദി ട്വീറ്റ് ചെയ്തു. തീവ്രവാദത്തിനെതിരായ പോരാട്ടത്തിൽ ഫ്രാൻസിന് ഇന്ത്യ നൽകിയ പൂർണ പിന്തുണ അദ്ദേഹം ആവർത്തിച്ചു. അടുത്തിടെ ഫ്രാൻസിൽ നടന്ന ഭീകരാക്രമണത്തിന് മോദി അനുശോചനം അറിയിച്ചതായും പ്രധാനമന്ത്രിയുടെ ഓഫീസിന്‍റെ പ്രസ്താവനയിൽ പറയുന്നു.
കൊവിഡാനന്തര ലോകം നേരിടുന്ന വെല്ലുവിളികളെയും അവസരങ്ങളെയും കുറിച്ച് എന്റെ സുഹൃത്ത് ഇമ്മാനുവൽ മാക്രോണുമായി സംസാരിച്ചു. തീവ്രവാദത്തിനു എതിരായ പോരാട്ടത്തിൽ ഇന്ത്യ ഫ്രാൻസിനൊപ്പം നിൽക്കുന്നു, ”മോദി ട്വീറ്റിൽ പറഞ്ഞു.