വിശാഖപട്ടണത്ത് വാഹനാപകടത്തിൽ നാല് മരണം; അനുശോചനം രേഖപ്പെടുത്തി പ്രധാനമന്ത്രി

ഹൈദരാബാദിൽ നിന്ന് വരികയായിരുന്ന ടൂറിസ്റ്റ് ബസാണ് അപകടത്തിൽപ്പെട്ടത്

ന്യൂഡൽഹി: ആന്ധ്രാപ്രദേശിലെ വിശാഖപട്ടണത്ത് വാഹനാപകടത്തിൽ മരിച്ചവരുടെ കുടുംബങ്ങൾക്ക് അനുശോചനം രേഖപ്പെടുത്തി പ്രധാനമന്ത്രി നരേന്ദ്ര മോദി. അനന്തഗിരി സോൺ ദാമുകുവിലാണ് അപകടമുണ്ടായത്. ഹൈദരാബാദിൽ നിന്ന് വരികയായിരുന്ന ടൂറിസ്റ്റ് ബസാണ് അപകടത്തിൽപ്പെട്ടത്. അപകടത്തില്‍ നാല് പേര്‍ മരിക്കുകയും നിരവധി പേര്‍ക്ക് പരിക്കേല്‍ക്കുകയും ചെയ്തിരുന്നു. ബസിൽ 23 യാത്രക്കാരാണ് ഉണ്ടായിരുന്നത്. മരിച്ചവരെല്ലാം ഹൈദരാബാദിൽ നിന്നുള്ളവരാണ്. വിശാഖപട്ടണത്തെ അപകടത്തിൽ ദുഖിക്കുന്നു. മരിച്ചവരുടെ കുടുംബങ്ങൾക്ക് അനുശോചനം രേഖപ്പെടുത്തുന്നതായും പ്രധാനമന്ത്രി ട്വീറ്റ് ചെയ്തു.