ചെന്നൈ: മൊബൈല്‍ ഫോണ്‍ ഉപയോഗവുമായി ബന്ധപ്പെട്ട വഴക്കിനെ തുടര്‍ന്ന് പതിനേഴുകാരിയെ സഹോദരന്‍ വെട്ടിക്കൊലപ്പെടുത്തി. തൂത്തുക്കുടിയിലെ വാസവപ്പുരത്താണ് സംഭവം. പന്ത്രണ്ടാം ക്ലാസ് വിദ്യാര്‍ഥി കവിതയാണ് കൊല്ലപ്പെട്ടത്. സഹോദരന്‍ മലൈരാജയെ പൊലീസ് അറസ്റ്റ് ചെയ്‌തു.
ചൊവ്വാഴ്‌ച വെകുന്നേരമാണ് കൊലപാതകം നടന്നത്. ഫോണ്‍ ഉപയോഗിയ്ക്കുന്നതിനെ ചൊല്ലി കവിതയും മലൈരാജയും തമ്മില്‍ വഴക്കുണ്ടായി. ഇത് മൂര്‍ച്ഛിച്ചതോടെ മലൈരാജ അരിവാള്‍ കൊണ്ട് കവിതയെ വെട്ടുകയായിരുന്നു. ഗുരുതരമായി പരിക്കേറ്റ കവിത സംഭവസ്ഥലത്ത് മരിച്ചു.