ദുരൂഹതയുണർത്തി അപൂർവയിനം പ്രാവ്; കാലിൽ ചൈനീസ് ഭാഷയിൽ എഴുത്ത്

സർബേശ്വർ ഛോത്ര എന്നയാളുടെ വീട്ടുമുറ്റത്താണ് പ്രാവ് വന്നത്. ഒഡിഷയിലെ സുന്ദർഗഡിലെ രാജ്‌ഗംഗ്‌പൂർ പൊലീസ് പരിധിക്ക് കീഴിലാണ് സംഭവം.

ഭുവനേശ്വർ:സുന്ദർഗഡിലെ രാജ്‌ഗംഗ്‌പൂർ പൊലീസ് പരിധിക്ക് കീഴിലുള്ള കൻസ്ബഹൽ ഗ്രാമത്തിലെത്തിയ അപൂർവയിനം പ്രാവ് ഗ്രാമത്തിൽ ദുരൂഹതയുണർത്തുന്നു. സർബേശ്വർ ഛോത്ര എന്നയാളുടെ വീട്ടുമുറ്റത്ത് എത്തിയ പ്രാവിന്‍റെ കാലിൽ ചൈനീസ് ഭാഷയിൽ എഴുത്ത് കണ്ടതോടെ ആശങ്കയിലാണ് ഗ്രാമവാസികൾ.

പരിക്കേറ്റ നിലയിലായിരുന്നു പ്രാവ്. തുടർന്ന് സർബേശ്വർ പ്രാവിന് ചികിത്സ നൽകി. പ്രാവിന്‍റെ കാലിൽ ചൈനീസ് ഭാഷയിൽ എന്തോ എഴുതിയിരിക്കുന്നത് കണ്ട സർബേശ്വർ ഉടൻ തന്നെ പൊലീസിനെ വിവരമറിയിച്ചു. പൊലീസ് അന്വേഷണം ആരംഭിച്ചു.