നളന്ദ(ബിഹാര്‍): ബിഹാറിലെ നളന്ദയില്‍ വ്യാജ മദ്യം കഴിച്ച എട്ട് പേര്‍ മരിച്ചു. വെള്ളിയാഴ്‌ച വൈകുന്നേരമാണ് സംഭവം. സോപസരായി പൊലീസ് സ്റ്റേഷന് കീഴിലുള്ള ഛോട്ടി പലാരി, പഹര്‍ തല്ലി സ്വദേശികളാണ് മരിച്ചത്.
നിര്‍മാണ തൊഴിലാളികളായ ഇവര്‍ ഒരുമിച്ചിരുന്ന് മദ്യപിക്കുകയും വീട്ടിലെത്തിയതിന് ശേഷം ആരോഗ്യസ്ഥിതി മോശമാവുകയുമായിരുന്നുവെന്നാണ് റിപ്പോര്‍ട്ട്. ബിഹാറിലെ ശരീഫ് സദര്‍ ആശുപത്രിയില്‍ പ്രവേശിപ്പിച്ച രണ്ട് പേരുടെ നില ഗുരുതരമാണെന്ന് നളന്ദ എസ്‌പി അശോക് കുമാര്‍ അറിയിച്ചു.