ജമ്മു കശ്‌മീരിൽ ഹിസ്ബുൾ മുജാഹിദീൻ തീവ്രവാദിയെ പിടികൂടി

സുരക്ഷാ സേനയുമായുള്ള ഏറ്റുമുട്ടലിന് ശേഷമാണ് സഹീർ അബ്ബാസ് ലോനെയെ അറസ്റ്റ് ചെയ്‌തത്

ശ്രീനഗർ: ജമ്മു കശ്‌മീരിൽ സുരക്ഷാ സേനയും തീവ്രവാദിയും തമ്മിൽ ഏറ്റുമുട്ടൽ നടന്നു. ഏറ്റുമുട്ടലിൽ പരിക്കേറ്റ ഹിസ്ബുൾ മുജാഹിദീൻ തീവ്രവാദിയെ അറസ്റ്റ് ചെയ്‌തു. അനന്ദ്‌നാഗിലെ ഗുണ്ട് ബാബ ഖലീൽ ഇന്ന് പുലർച്ചയാണ് ഏറ്റുമുട്ടൽ നടന്നത്. ഇയാളെ ആശുപത്രിയിൽ പ്രവേശിപ്പിച്ചു. പുൽവാമ സ്വദേശിയായ സഹീർ അബ്ബാസ് ലോനെയാണ് അറസ്റ്റ് ചെയ്‌തത്. കഴിഞ്ഞയാഴ്‌ച പൂഞ്ചിലെ ദുർഗാൻ പോഷാനയിൽ നടന്ന ഏറ്റുമുട്ടലിൽ സേന രണ്ട് തീവ്രവാദികളെ വധിച്ചു.