ബെംഗളൂരു:കൊപ്പലിലെ മുനിറാബാദില്‍ റോഡരികില്‍ ഉറങ്ങിക്കിടന്നവരുടെ മേല്‍ പിക്കപ്പ് ലോറി ഇടിച്ചുകയറി ഒരാള്‍ മരിച്ചു. ബെല്ലാരി സ്വദേശി തിപ്പണ്ണയാണ്(75) മരിച്ചത്. നാല് പേര്‍ക്ക് പരിക്കേറ്റു. ഒരാള്‍ പരിക്കേല്‍ക്കാതെ രക്ഷപ്പെട്ടു. ഞായറാഴ്‌ച(24.07.2022) രാത്രിയാണ് സംഭവം.
റോഡരികില്‍ ഉറങ്ങി കിടന്നവരുടെ മേല്‍ പിക്കപ്പ് ലോറി ഇടിച്ചു കയറി
ഹുലഗേമ്മ ദേവി ക്ഷേത്രത്തിലെ ഉത്സവത്തില്‍ പങ്കെടുക്കാന്‍ എത്തിയവരാണ് അപകടത്തില്‍പ്പെട്ടത്. ഇവര്‍ രാത്രി ക്ഷേത്ര പരിസരത്ത് കിടന്നുറങ്ങുമ്പോഴാണ് അമിത വേഗത്തിലെത്തിയ പിക്കപ്പ് ലോറി ഭക്തരുടെ മേല്‍ പാഞ്ഞുകയറിയത്. തുടര്‍ന്ന് ഗുരുതരമായി പരിക്കേറ്റ തിപ്പണ്ണ സംഭവ സ്ഥലത്ത് തന്നെ മരിച്ചു.