ബിഹാര്‍ : ക്ലാസ്‌ മുറിയില്‍ ഒരു ബ്ലാക്ക്‌ ബോര്‍ഡ് രണ്ടാക്കി ഹിന്ദി-ഉര്‍ദു പഠനം. രണ്ട് ക്ലാസ്‌ മുറിയിലായി പഠിക്കേണ്ട വിദ്യാര്‍ഥികള്‍ ഒരു ക്ലാസ്‌ മുറിയിലിരുന്ന്‌ രണ്ട് അധ്യാപകരെ ഒരേ സമയം കേള്‍ക്കണം. ബിഹാറിലെ കതിഹാറില്‍ ആദര്‍ശ്‌ മിഡില്‍ സ്‌കൂളിലാണ് ഈ വിചിത്ര പഠനരീതി.
മണിഹാര്‍ ബ്ലോക്കില്‍ പ്രവര്‍ത്തിച്ചുകൊണ്ടിരുന്ന ഉര്‍ദു പ്രൈമറി സ്‌കൂള്‍ 2017ലാണ് വിദ്യാഭ്യാസ വകുപ്പ് ആദര്‍ശ്‌ മിഡില്‍ സ്‌കൂളിന്‍റെ ഭാഗമാക്കിയത്. എന്നാല്‍ ആവശ്യത്തിന് ക്ലാസ്‌ മുറികളില്ലാത്തത്‌ സ്‌കൂള്‍ അധികൃതരെ വലച്ചു. പരാതി പറഞ്ഞെങ്കിലും വിദ്യാഭ്യാസ വകുപ്പില്‍ നിന്ന് പരിഹാരമുണ്ടായില്ല.
ഒരു ബ്ലാക്ക്‌ ബോര്‍ഡും രണ്ട് അധ്യാപകരും!... ക്ലാസ്‌ മുറിയില്‍ ആശയക്കുഴപ്പത്തിലായി വിദ്യാര്‍ഥികള്‍