ഭുവനേശ്വർ: ഒഡിഷയിൽ 24 മണിക്കൂറിനിടെ 7,002 പേർക്ക് കൂടി കൊവിഡ് സ്ഥിരീകരിച്ചതായി ആരോഗ്യ വകുപ്പ്. ഇതോടെ ആകെ കൊവിഡ് രോഗികളുടെ എണ്ണം 8,13,096 ആയി ഉയർന്നു. 42 പേർ കൊവിഡ് ബാധിച്ച് മരിച്ചതോടെ ആകെ കൊവിഡ് മരണം 2,994 ആയി. നിലവിൽ 78,031കൊവിഡ് രോഗികളാണ് സംസ്ഥാനത്തുള്ളത്.
ഖുർദ (1,167) ജില്ലയിലാണ് ഏറ്റവും കൂടുതൽ പേർക്ക് കൊവിഡ് സ്ഥിരീകരിച്ചത്. കട്ടക്ക് (771) ജാജ്‌പൂർ (486) ഝാർസുഗുഡ (97), മൽക്കംഗിരി (95), ബൊളാംഗീർ (89), ഗഞ്ചം (74), ദിയോഘർ (64), സോനെപൂർ (59), ഗജപതി (48), നുവാപഡ ( 28). കാന്ധമാൽ(3) എന്നിവയാണ് പുതിയതായി കൊവിഡ് സ്ഥിരീകരിച്ച മറ്റ് സ്ഥലങ്ങൾ. 6.67 ശതമാനമാണ് ഒഡിഷയിലെ പോസിറ്റീവ് നിരക്ക്. ശനിയാഴ്‌ച വരെ 1.21 കോടിയിലധികം സാമ്പിളുകൾ പരിശോധിച്ചതായാണ് കണക്കുകൾ.