ഭുവനേശ്വര്‍ :എംപിമാര്‍ എംഎല്‍എമാര്‍ തുടങ്ങിയ ജനപ്രതിനിധികളോട് എങ്ങനെ പെരുമാറണം എന്നത് സംബന്ധിച്ച് സര്‍ക്കാര്‍ ജീവനക്കാര്‍ക്ക് പരീശീലന പരിപാടി സംഘടിപ്പിക്കാന്‍ തീരുമാനിച്ച് ഒഡിഷ സര്‍ക്കാര്‍. ഉദ്യോഗസ്ഥര്‍ ജനപ്രതിനിധികളോട് നിസഹരിക്കുകയും മോശമായി പെരുമാറുകയും ചെയ്യുന്നുവെന്ന് കാണിച്ച് നിരവധി പരാതികള്‍ ലഭിച്ചതിന്‍റെ പശ്ചാത്തലത്തിലാണ് തീരുമാനം.
ജനപ്രതിനിധികളോട് എങ്ങനെയാണ് സര്‍ക്കാര്‍ ഉദ്യോഗസ്ഥര്‍ പെരുമാറേണ്ടത് എന്ന് വിശദമാക്കുന്ന സര്‍ക്കുലര്‍ ഒഡിഷ സര്‍ക്കാര്‍ പുറപ്പെടുവിച്ചിട്ടുണ്ട്. ഈ സര്‍ക്കുലര്‍ പരിശീലന പരിപാടിയില്‍ ഉള്‍പ്പെടുത്തണം എന്നാണ് നിര്‍ദേശിച്ചിരിക്കുന്നത്.