ന്യൂഡല്‍ഹി: 2016ൽ നിലമ്പൂർ വനമേഖലയിൽ മാവോയിസ്റ്റ് പരിശീലന ക്യാമ്പ് സംഘടിപ്പിച്ചതുമായി ബന്ധപ്പെട്ട് തമിഴ്‌നാട്, കേരളം, കർണാടക എന്നീ സംസ്ഥാനങ്ങളിലെ 20 ഇടങ്ങളില്‍ ദേശീയ അന്വേഷണ ഏജൻസി പരിശോധന നടത്തി.
തമിഴ്‌നാട്ടിലെ ചെന്നൈ, കോയമ്പത്തൂർ, തേനി, രാമനാഥപുരം, സേലം, കന്യാകുമാരി, കൃഷ്ണഗിരി ജില്ലകളിലെ 12 സ്ഥലങ്ങളിലും, കേരളത്തിലെ വയനാട്, തൃശൂർ, കണ്ണൂർ ജില്ലകളിലെ മൂന്ന് സ്ഥലങ്ങളിലും, കർണാടകയിലെ ചിക്കമംഗളൂർ, ഉഡുപ്പി, ഷിമോഗ ജില്ലകളിലെ അഞ്ച് ഇടങ്ങളിലുമാണ് തിരച്ചില്‍ നടത്തിയത്.
പരിശോധനയില്‍ നിരവധി ഡിജിറ്റല്‍ സ്റ്റോറേജ് ഡിവൈസുകളും, മൊബൈൽ ഫോണുകൾ, സിം കാർഡുകൾ, പുസ്തകങ്ങൾ, മാനിഫെസ്റ്റോ, ലഘുലേഖകൾ തുടങ്ങിയവ കണ്ടെടുത്തതായും എൻഐഎ വക്താവ് വ്യക്തമാക്കി.