ശ്രീനഗർ : ജമ്മു കശ്‌മീരിലെ പുൽവാമയിൽ പരിശോധന കടുപ്പിച്ച് വിവിധ സുരക്ഷാ ഏജന്‍സികള്‍. എൻഐഎ, പൊലീസ്, സിആർപിഎഫ് എന്നിവർ ചേർന്നാണ് റെയ്‌ഡ് നടത്തുന്നത്. 15 ദിവസമായി പൊലീസ് കസ്റ്റഡിയിലുള്ള കാഖപുര സ്വദേശി ഫിറോസ് അഹമ്മദ് വാനിയുടെ വീട്ടിലാണ് റെയ്‌ഡ് പുരോഗമിക്കുന്നത്.
തീവ്രവാദ സംഘങ്ങളുടെയും സഹായികളുടെയും ശൃംഖല കണ്ടെത്തുന്നതിനാണ് റെയ്‌ഡ് നടത്തുന്നതെന്ന് അധികൃതര്‍ വ്യക്തമാക്കുന്നു. ഫിറോസ് അഹമ്മദ് വാനി പച്ചക്കറി വ്യാപാരിയാണ്.