മുംബൈ: മൂന്ന് ലഷ്‌കര്‍ ഇ ത്വയ്ബ ഭീകരവാദികൾക്ക് 10 വർഷം കഠിന തടവ് ശിക്ഷ വിധിച്ച് മുംബൈ എൻ.ഐ.എ കോടതി. നാന്ദേഡ് മൊഡ്യൂൾ കേസിലാണ് കോടതി വിധി പുറപ്പെടുവിച്ചത്. ഐ.പി.സി, യു.എ.പി.എ എന്നീ വകുപ്പുകൾ പ്രകാരം മുഹമ്മദ് മുസമ്മില്‍ എന്നയാള്‍ക്ക് 10 വർഷമാണ് ശിക്ഷ.
ഇതിനു പുറമെ, ആയുധ നിയമത്തിലെ നിരവധി വകുപ്പുകൾ പ്രകാരം അഞ്ച് വർഷവും അധിക കഠിന തടവും 5,000 രൂപ പിഴയും വിധിച്ചതായി എൻ.ഐ.എ വക്താവ് പറഞ്ഞു. ഇതോടൊപ്പം മറ്റു പ്രതികളായ മുഹമ്മദ് സാദിഖ്, മുഹമ്മദ് അക്രമം എന്നിവരെയും കോടതി 10 വർഷത്തെ കഠിന തടവിനായി അയച്ചു.