പാരിസ്: ഫ്രാന്‍സില്‍ കൊവിഡിന്‍റെ പുതിയ വകഭേദം സ്ഥിരീകരിച്ചു. 'ഇഹു' എന്ന് പേരിട്ടിരിക്കുന്ന വകഭേദം വടക്കന്‍ ഫ്രാന്‍സിലാണ് റിപ്പോര്‍ട്ട് ചെയ്‌തത്. മധ്യ ആഫ്രിക്കന്‍ രാജ്യമായ കാമറൂണില്‍ നിന്ന് എത്തിയവരിലാണ് വകഭേദം കണ്ടെത്തിയത്. 12 കേസുകളാണ് ഇതുവരെ റിപ്പോര്‍ട്ട് ചെയ്‌തിരിക്കുന്നത്. ഒമിക്രോണിനെക്കാള്‍ വ്യാപന ശേഷി കൂടുതലാണ് ഇഹുവിനെന്നാണ് റിപ്പോര്‍ട്ട്.
കഴിഞ്ഞ വർഷം നവംബർ പകുതിയോടെ ശേഖരിച്ച സാമ്പിളിൽ നടത്തിയ ആർ‌ടി‌പി‌സി‌ആർ പരിശോധനയില്‍ മുതിര്‍ന്ന വ്യക്തിക്കാണ് വകഭേദം സ്ഥിരീകരിച്ചത്. ഇഹു (ഐഎച്ച്‌യു) മെഡിറ്ററേന്‍ ഇന്‍ഫക്‌ഷന്‍ ഇന്‍സ്റ്റിറ്റ്യൂട്ടിലെ ഗവേഷകരാണ് പുതിയ വകഭേദം കണ്ടെത്തിയത്. ഡിസംബര്‍ 29ന് പ്രസിദ്ധീകരിച്ച പഠനം പ്രകാരം 46 തവണ പുതിയ വകഭേദത്തിന് ജനതിക മാറ്റം സംഭവിച്ചിട്ടുണ്ട്.