ന്യൂഡൽഹി:727 ടാങ്കറുകളിലായി 11,800 ടൺ ലിക്വിഡ് മെഡിക്കൽ ഓക്സിജൻ വിവിധ സംസ്ഥാനങ്ങളിലേക്ക് ഇതുവരെ എത്തിച്ചതായി ഇന്ത്യൻ റെയിൽവേ. മൊത്തം 196 ഓക്സിജൻ എക്സ്പ്രസ് ട്രെയിനുകൾ ഇതുവരെ യാത്ര പൂർത്തിയാക്കി.
കഴിഞ്ഞ കുറച്ച് ദിവസങ്ങളായി രാജ്യത്ത് 800 ഓളം എൽ‌എം‌ഒ ഓക്സിജൻ എക്സ്പ്രസ് വിതരണം ഒടുന്നുണ്ടെന്നു മന്ത്രാലയം അറിയിച്ചു. ഉത്തരാഖണ്ഡ്, കർണാടക, മഹാരാഷ്ട്ര, മധ്യപ്രദേശ്, ആന്ധ്രാപ്രദേശ്, രാജസ്ഥാൻ, തമിഴ്‌നാട്, ഹരിയാന, തെലങ്കാന, പഞ്ചാബ്, കേരളം, ഡൽഹി, ഉത്തർപ്രദേശ് എന്നീ 13 സംസ്ഥാനങ്ങളിൽ ഓക്സിജൻ എക്സ്പ്രസ് എത്തിച്ചു.