ന്യൂഡല്‍ഹി: എന്‍സിപി നേതാവും രാജ്യസഭ എംപിയുമായ ശരദ് പവാര്‍ പ്രധാനമന്ത്രി നരേന്ദ്ര മോദിയുമായി കൂടിക്കാഴ്‌ച നടത്തി. പ്രധാനമന്ത്രിയുടെ ഓഫിസാണ് ഇക്കാര്യം ട്വീറ്റ് ചെയ്‌തത്. വര്‍ഷകാല പാര്‍ലമെന്‍റ് സമ്മേളനം ജൂലൈ 19 ന് തുടങ്ങാനിരിക്കെയാണ് ഇരുവരും കൂടിക്കാഴ്‌ച നടത്തിയത്.
പുതുതായി ചുമതലയേറ്റ രാജ്യസഭ നേതാവും കേന്ദ്ര മന്ത്രിയുമായ പീയുഷ് ഗോയലും കഴിഞ്ഞ ദിവസം ശരദ് പവാറുമായി കൂടിക്കാഴ്‌ച നടത്തിയിരുന്നു. ശരദ് പവാറിനൊപ്പം മുന്‍ പ്രധാനമന്ത്രി മന്‍മോഹന്‍ സിങിനേയും മുതിര്‍ന്ന കോണ്‍ഗ്രസ് നേതാവ് ആനന്ദ് ശര്‍മയേയും പീയുഷ് ഗോയല്‍ സന്ദര്‍ശിച്ചിരുന്നു.