മുംബൈ : ഷാരൂഖ് ഖാന്റെ മകൻ ആര്യൻ ഖാനെതിരായ മയക്കുമരുന്ന് കേസിൽ കുറ്റപത്രം സമർപ്പിക്കാൻ 90 ദിവസം കൂടി നീട്ടി നൽകണമെന്ന് ആവശ്യപ്പെട്ട് നാർക്കോട്ടിക് കൺട്രോൾ ബ്യൂറോ (എൻസിബി). ഇക്കാര്യം കാണിച്ച് തിങ്കളാഴ്ച മുംബൈ സെഷൻസ് കോടതിയിൽ അപേക്ഷ നൽകി. കേസിൽ അന്വേഷണം തുടരുകയാണെന്നും എൻ.സി.ബി അറിയിച്ചു.
എൻസിബിയുടെ പ്രത്യേക അന്വേഷണ സംഘം ഏപ്രിൽ മാസത്തോടെ കേസിൽ കുറ്റപത്രം സമര്‍പ്പിക്കണമെന്നാണ് വ്യവസ്ഥ. ക്രിമിനൽ നടപടിച്ചട്ടം അനുസരിച്ച് രേഖകൾ സമർപ്പിക്കാൻ 90 ദിവസം കൂടി അനുവദിക്കണമെന്നാണ് ആവശ്യം. ജഡ്ജി വി വി പാട്ടീൽ അധ്യക്ഷനായ കോടതിയിലാണ് അപേക്ഷ സമർപ്പിച്ചത്.