ന്യൂഡൽഹി: പഞ്ചാബ് കോണ്‍ഗ്രസ് അധ്യക്ഷസ്ഥാനത്തുനിന്ന് രാജി നല്‍കിയ നവജ്യോത് സിങ് സിദ്ദു എഐസിസി ജനറൽ സെക്രട്ടറി കെ.സി വേണുഗോപാലുമായി വ്യാഴാഴ്‌ച കൂടിക്കാഴ്‌ച നടത്തും. സംസ്ഥാന കോൺഗ്രസിന്‍റെ ചുമതലയുള്ള ഹരീഷ് റാവത്തും യോഗത്തിൽ പങ്കെടുക്കും. പ്രസിഡന്‍റ് സ്ഥാനം രാജിവച്ച് ഹൈക്കമാൻഡിന് കത്ത് സമർപ്പിച്ച ശേഷം ആദ്യമായാണ് സിദ്ദു കോൺഗ്രസ് നേതൃത്വവുമായി ചര്‍ച്ചയ്ക്ക് തയ്യാറാവുന്നത്.
സംഘടന വിഷയങ്ങൾ ചർച്ച ചെയ്യാനായി സിദ്ദുവുമായി കൂടിക്കാഴ്‌ച നടത്തുമെന്ന് ഹരീഷ് റാവത്ത് ട്വീറ്റ് ചെയ്‌തിരുന്നു. ഡൽഹിയിലെ കെ.സി വേണുഗോപാലിന്‍റെ വസതിയിൽ വച്ചാകും യോഗം. സെപ്‌റ്റംബർ 28നാണ് നവജ്യോത് സിങ് സിദ്ദു കേന്ദ്ര നേതൃത്വത്തിന് രാജിക്കത്ത് നൽകിയത്.