പാനിപ്പത്ത് :ദേശീയ തലത്തിൽ മെഡലുകൾ നേടിയിട്ടുള്ള വനിത ഗുസ്‌തി താരം കനാലിൽ മുങ്ങിമരിച്ചു. 12-ാം ക്ലാസ് വിദ്യാർഥിയായ തനിഷ്‌ക എന്ന തന്യയാണ് കുളിക്കുന്നതിനിടെ യമുന കനാലിൽ മുങ്ങി മരിച്ചത്. ഞായറാഴ്‌ച സമൽഖയിലെ ഹത്വാല ഗ്രാമത്തിലായിരുന്നു സംഭവം.
തനിഷ്‌ക ഗുസ്‌തിയിൽ ദേശീയ തലത്തിൽ മെഡലുകൾ നേടിയിട്ടുണ്ട്. ശ്രീലങ്കയിൽ നടക്കുന്ന രാജ്യാന്തര തല മത്സരത്തില്‍ പങ്കെടുക്കാനുള്ള തയാറെടുപ്പിലായിരുന്നുവെന്ന് സഹോദരനായ സുരേന്ദ്ര പറഞ്ഞു. ഞായറാഴ്‌ച തനിഷ്‌ക തന്‍റെ സഹതാരവും ജൂനിയറുമായ രണ്ട് സുഹൃത്തുക്കളോടൊപ്പം യമുന ഘട്ടിൽ പരിശീലനം നടത്തുകയായിരുന്നു. ശേഷം മൂവരും കനാലിൽ കുളിക്കാനിറങ്ങി. എന്നാൽ ഒഴുക്കിൽപ്പെട്ടു.