മുംബൈ :മഹാരാഷ്‌ട്രയിലെ നാസിക്, അണക്കെട്ടുകളുടെ ജില്ലയാണെന്നാണ് അറിയപ്പെടുന്നത്. എന്നാല്‍, ജില്ലയുടെ തൊണ്ട വരണ്ടുണങ്ങിയ സ്ഥിതിയാണ് നിലവില്‍. ഗ്രാമപ്രദേശങ്ങളിലെ സ്‌ത്രീകള്‍ കുടിവെള്ളത്തിനായി ജീവന്‍ പണയപ്പെടുത്തേണ്ടുന്ന അവസ്ഥയിലാണ്.
ജലക്ഷാമം രൂക്ഷമായ ത്രയംബകേശ്വറിലെ മേട്ഘർ കോട്ടയ്‌ക്ക് സമീപമുള്ള പ്രദേശത്തെ സ്‌ത്രീകള്‍ പാത്രവുമായി വെള്ളം ശേഖരിക്കാന്‍ ആഴമുള്ള കിണറിലിറങ്ങുന്നു. ഈ കാഴ്‌ച ആരിലും നടുക്കം സൃഷ്‌ടിക്കുന്നതാണ്. ജില്ലയിലെ പല ഗ്രാമപ്രദേശങ്ങളിലും സമാന പ്രശ്‌നങ്ങള്‍ നേരിടുന്നുണ്ട്.
ജീവന്‍ പണയംവച്ച് കിണറ്റിലിറങ്ങി വെള്ളമെടുത്ത് മഹാരാഷ്‌ട്രയിലെ സ്‌ത്രീകള്‍