ശ്രീനഗർ:കരസേന മേധാവി ജനറൽ നരവാന പൂഞ്ച് പ്രവർത്തന മേഖല സന്ദർശിച്ച് നിയന്ത്രണ രേഖയിലെ തയാറെടുപ്പുകൾ അവലോകനം ചെയ്യുകയും സ്ഥിതിഗതികൾ വിലയിരുത്തുകയും ചെയ്‌തു. പൂഞ്ചിൽ നടക്കുന്ന നുഴഞ്ഞുകയറ്റ പ്രവർത്തനങ്ങളെ കുറിച്ച് കമാൻഡർമാർ ജനറൽ നരവാനയ്ക്ക് വിശദീകരിച്ചു.
കഴിഞ്ഞ രണ്ടാഴ്‌ച കൊണ്ട് 11 സാധാരണക്കാരാണ് കശ്‌മീരിലെ തീവ്രവാദി ആക്രമണങ്ങളിൽ കൊല്ലപ്പട്ടത്. സുരക്ഷ സേനയും തീവ്രവാദികളും തമ്മിലുള്ള ഏറ്റുമുട്ടലിന് തീവ്രവാദി ആക്രമണങ്ങൾ വഴിവച്ചിരുന്നു. കശ്‌മീരിലെ തീവ്രവാദി ആക്രമണങ്ങളെ അപലപിച്ച വിവിധ രാഷ്‌ട്രീയ നേതാക്കൾ ക്രമസമാധാനം ഉറപ്പാക്കുന്നതിൽ കേന്ദ്ര സർക്കാർ പരാജയപ്പെട്ടുവെന്ന് വ്യക്തമാക്കി.