ന്യൂഡല്‍ഹി:വിദ്യാര്‍ഥികള്‍ പരീക്ഷകളെ ഉത്സവം പോലെ ആഘോഷമാക്കണമെന്ന് പ്രധാനമന്ത്രി നരേന്ദ്ര മോദി. വിദ്യാഭ്യാസമന്ത്രാലയം സംഘടിപ്പിച്ച 'പരീക്ഷ പേ ചര്‍ച്ച'യില്‍ പരീക്ഷയില്‍ തയ്യാറെടുക്കുന്ന കുട്ടികളുമായി സംസാരിക്കുകയായിരുന്നു മോദി. പരീഷ പേ ചര്‍ച്ച തനിക്ക് ഏറ്റവും ഇഷ്ടപ്പെട്ട പരിപാടിയാണെന്നും ഈ വര്‍ഷം കുട്ടികളോട് നേരിട്ട് സംവദിക്കാന്‍ സാധിച്ചതില്‍ സന്തോഷമുണ്ടെന്നും പ്രധാനമന്ത്രി പറഞ്ഞു.
കൊവിഡ് കാരണം കഴിഞ്ഞവര്‍ഷത്തെ പരീക്ഷ പേ ചര്‍ച്ച ഓണ്‍ലൈനായാണ് നടത്തിയത്. ഈ വര്‍ഷം ഡല്‍ഹിയിലെ തല്‍ക്കതൊറ സ്റ്റേഡിയത്തിലാണ് പരിപാടി നടന്നത്. പരീക്ഷയെപറ്റി ആശങ്കയുള്ളത് കൂടുതലും രക്ഷിതാക്കള്‍ക്കാണെന്ന് പ്രധാനമന്ത്രി പറഞ്ഞു. പരീക്ഷകളെ ഉത്സവമായി കണ്ടാല്‍ അവ കൂടുതല്‍ ഊര്‍ജ്വസലമാകും.