ബെംഗളുരു: കന്നട ടെലിവിഷൻ നടി അമൃത നായിഡുവിന്‍റെ മകളും നന്നമ്മ സൂപ്പർസ്റ്റാർ മത്സരാർഥിയുമായ സമൻവി (6) വ്യാഴാഴ്‌ച ബെംഗളൂരുവിൽ ഉണ്ടായ വാഹനാപകടത്തിൽ അന്തരിച്ചു. വൈകുന്നേരം സമൻവിയും അമ്മ അമൃത നായിഡുവും ഷോപ്പിങ് കഴിഞ്ഞ് ഇരുചക്ര വാഹനത്തിൽ വീട്ടിലേക്ക് മടങ്ങുമ്പോഴായിരുന്നു സംഭവം.
കൊണൻഗുണ്ടെ റോഡിൽ വച്ച് ഇരുവരും സഞ്ചരിച്ച സ്‌കൂട്ടറിൽ ടിപ്പർ ലോറി ഇടിക്കുകയായിരുന്നു. സമൻവി സംഭവസ്ഥലത്ത് വച്ചുതന്നെ മരിച്ചു. അമ്മ അമൃതയെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു.