ഹൈദരാബാദ്: ബോളിവുഡ്, തെലുഗു സിനിമകളിലൂടെ സിനിമ മേഖലയിൽ കൂടുതൽ ജനശ്രദ്ധ നേടുകയാണ് തെലുഗു സൂപ്പർ താരം നാഗ ചൈതന്യ. അമീർ ഖാനൊപ്പമുള്ള ' ലാൽ സിങ് ഛദ്ദ 'യാണ് താരത്തിന്‍റെ അവസാനം റിലീസിനെത്തിയ ബോളിവുഡ് ചിത്രം. മികച്ച സിനിമകളിലൂടെ ആരാധകരെ സൃഷ്‌ടിക്കുന്ന താരത്തിന്‍റെ വ്യക്തി ജീവിതവും ചിലപ്പോഴൊക്കെ ചർച്ചയാകാറുണ്ട്.
Rumours about Naga Chaitanya and Sobhita Dhulipala ബോളിവുഡ് നടി ശോഭിത ധൂലിപാലയുമായി നാഗ ചൈതന്യ ഡേറ്റിങിലാണെന്ന വാർത്തകൾ സമൂഹ മാധ്യമങ്ങളിലൂടെ പ്രചരിച്ചിരുന്നു. ഇരുവരും ഒന്നിച്ച് ഒരു ഡിന്നർ ഡേറ്റിൽ പങ്കെടുത്തതിന്‍റെ ചിത്രങ്ങളാണ് നെറ്റിസൺസിന് ഇടയില്‍ ചർച്ചയ്ക്ക് വഴിയൊരുക്കിയത്. അതേസമയം ഇരുവരും തങ്ങളുടെ ബന്ധത്തെ കുറിച്ച് ഇതുവരേയും വ്യക്തമായ മറുപടിയോ വിശദീകരണമോ ആരാധകർക്ക് നൽകിയിട്ടില്ല.
Naga Chaitanya and Sobhita Dhulipala in London: പ്രണയത്തിലാണെന്ന് പറയുന്ന ഇരു താരങ്ങളുടേയും ലണ്ടനിൽ നിന്നുള്ള ചില ദൃശ്യങ്ങൾ അടുത്തിടെ ഓൺലൈനിൽ പ്രത്യക്ഷപ്പെട്ടിരുന്നു. ലണ്ടൻ സന്ദർശന വേളയിൽ ശോഭിതയും നാഗ ചൈതന്യയും ജാമവർ എന്ന ഇന്ത്യൻ റെസ്റ്റോറന്‍റ് സന്ദർശിച്ചതായാണ് ചിത്രങ്ങളിൽ നിന്ന് ആരാധകർ മനസിലാക്കിയത്.
ഇരുവരും യുകെ സന്ദർശനം നടത്തിയതിന്‍റെ കാരണം ഇതുവരെ വെളിപ്പെടുത്തിയിട്ടില്ലെങ്കിലും റസ്‌റ്റോറന്‍റിലെ ഷെഫ് നാഗചൈതന്യക്കൊപ്പമുള്ള ഒരു ചിത്രം ഇൻസ്‌റ്റഗ്രാമിൽ പങ്കിട്ടതോടെയാണ് ശോഭിതയേയും നാഗ ചൈതന്യയേയും കുറിച്ചുള്ള പ്രണയ ചർച്ചകൾക്ക് വീണ്ടും വഴി തുറന്നത്.