ന്യൂഡൽഹി: വരാനിരിക്കുന്ന ഉത്തർപ്രദേശ് നിയമസഭ തെരഞ്ഞെടുപ്പിന് മുന്നോടിയായി സംസ്ഥാന പ്രവർത്തക സമിതി അംഗങ്ങളുമായി ബി.ജെ.പി ദേശീയ അധ്യക്ഷന്‍ ജെ.പി നദ്ദ ചര്‍ച്ച നടത്തും. വെള്ളിയാഴ്ച വീഡിയോ കോൺഫറൻസിങിലൂടെ നടക്കുന്ന യോഗം രാവിലെ 11 ന് ആരംഭിക്കും.
യു.പി തെരഞ്ഞെടുപ്പ്: സംസ്ഥാന നേതാക്കളുമായി ജെ.പി നദ്ദ വെള്ളിയാഴ്ച ചര്‍ച്ച നടത്തും
വീഡിയോ കോൺഫറൻസിങിലൂടെയാണ് ജെ.പി നദ്ദ യു.പി സംസ്ഥാന നേതാക്കളുമായി ചര്‍ച്ച നടത്തുക.
യു.പി തെരഞ്ഞെടുപ്പ്: സംസ്ഥാന നേതാക്കളുമായി ജെ.പി നദ്ദ വെള്ളിയാഴ്ച ചര്‍ച്ച നടത്തും
നദ്ദയ്ക്ക് പുറമെ ബി.ജെ.പി ജനറൽ സെക്രട്ടറി അരുൺ സിങ്, കേന്ദ്ര വനിത ശിശു ക്ഷേമവകുപ്പ് മന്ത്രി സ്മൃതി ഇറാനി, കേന്ദ്ര വ്യവസായ മന്ത്രി മഹേന്ദ്ര നാഥ് പാണ്ഡെ എന്നിവരും യോഗത്തിൽ പങ്കെടുക്കും. യു.പി മുഖ്യമന്ത്രി യോഗി ആദിത്യനാഥ്, ഉപ മുഖ്യമന്ത്രി കേശവ് പ്രസാദ് മൗര്യ, സംസ്ഥാന പാര്‍ട്ടി ചുമതലയുള്ള രാധ മോഹൻ സിങ്, സംസ്ഥാന അധ്യക്ഷന്‍ സ്വതന്ത്ര ദേവ് സിങ് എന്നിവരും വെർച്വൽ യോഗത്തിൽ പങ്കെടുക്കും.