മുത്തൂറ്റ് മോഷണം; സംഘം ഹൈദരാബാദിൽ പിടിയിൽ

10:55 January 23

തമിഴ്നാട്ടിലെ മുത്തൂറ്റ് ശാഖയിൽ കവർച്ച നടത്തിയ സംഘമാണ് പിടിയിലായത്.

ഹൈദരാബാദ്: തമിഴ്‌നാട്ടിലെ മുത്തൂറ്റ് ശാഖയിൽ മുഖം മൂടി ധരിച്ചെത്തി കവർച്ച നടത്തിയ സംഘം ഹൈദരാബാദിൽ പിടിയിലായി. മോഷണം നടത്തിയവരിൽ നിന്നും മോഷണ മുതലും ആയുധങ്ങളും പൊലീസ് കണ്ടെടുത്തു.

കൃഷ്‌ണഗിരി ജില്ലയിലെ ഹൊസൂർ-ബാഗലൂർ റോഡിലുള്ള മുത്തൂറ്റ് ഫിനാൻസ് സ്ഥാപനത്തിലായിരുന്നു കഴിഞ്ഞ ദിവസം കവർച്ച നടന്നത്. തോക്ക് ചൂണ്ടിയെത്തിയ സംഘം ഏഴ് കോടിയുടെ സ്വർണം കവർന്നതായാണ് പരാതി. സ്വർണത്തിന് പുറമെ  90,000 രൂപയും കൊള്ളയടിച്ചു. സിസിടിവി ദൃശ്യങ്ങള്‍ പരിശോധിച്ചും ജീവനക്കാരുടെ മൊഴിയെടുത്തും പൊലീസ് അന്വേഷണം നടത്തിയിരുന്നു.