ഭോപ്പാൽ : ദലിത് യുവാവിനെ വിവാഹം കഴിച്ചതിനെ തുടർന്ന് യുവതിയെ ശുദ്ധീകരണം നടത്തി കുടുംബം. നർമദ നദിയിൽ കുളിപ്പിച്ച യുവതിയുടെ മുടി മുറിക്കുകയും വസ്‌ത്ര ഭാഗങ്ങൾ നശിപ്പിക്കുകയും ചെയ്‌തു. പൊലീസിൽ പരാതി നൽകിയതിനെ തുടർന്ന് യുവതിയുടെ അച്ഛൻ, മറ്റ് മൂന്ന് കുടുംബാംഗങ്ങൾ എന്നിവർക്കെതിരെ പൊലീസ് കേസെടുത്തു.
2020 മാർച്ചിലാണ് യുവതിയും യുവാവും വിവാഹിതരാകുന്നത്. 2021 ജനുവരിയില്‍ ഒരു ബന്ധു യുവതിയെ കാണാനില്ലെന്നാരോപിച്ച് പൊലീസിൽ പരാതി നൽകി. എന്നാൽ അതേസമയം യുവതിയുടെ അച്ഛൻ യുവതിയെ കാണുകയും വിവാഹ ബന്ധത്തിൽ നിന്ന് പിന്മാറണമെന്ന് ആവശ്യപ്പെടുകയും ചെയ്‌തിരുന്നു.