ഗുരുഗ്രാം : പ്രശസ്‌ത മോഡൽ ദിവ്യ പഹൂജ വെടിയേറ്റ് കൊല്ലപ്പെട്ടെന്ന് പൊലീസ് (Model Divya Pahuja Murder). ഗുരുഗ്രാം ഗുണ്ട നേതാവ് സന്ദീപ് ഗഡോളിയുടെ വ്യാജ ഏറ്റുമുട്ടൽ കേസിൽ (Gurugram gangster, Sandeep Gadoli's fake encounter case) ഏഴ് വർഷത്തെ ജയിൽ വാസത്തിന് ശേഷം ജാമ്യം ലഭിച്ച് മാസങ്ങൾക്കുള്ളിലാണ് ദിവ്യ പഹൂജ കൊല്ലപ്പെട്ടത്. കൊലപാതകം നടന്ന സിറ്റി പോയിന്‍റ് എന്ന ഹോട്ടലിന്‍റെ ഉടമയായ അഭിജീത് സിങ്ങാണ് (56) കേസിലെ മുഖ്യ പ്രതിയെന്ന് പൊലീസ് പറഞ്ഞു (Model Divya Pahuja Shot to Death Months after Securing bail in Gangster Fake Encounter).
നേപ്പാൾ സ്വദേശി ഹേംരാജ് (28), പശ്ചിമ ബംഗാളിലെ ജൽപായ്‌ഗുരിയിലെ ജുരന്തി ഗ്രാമവാസിയായ ഓംപ്രകാശ് (23) എന്നിവരാണ് കേസിലെ മറ്റ് രണ്ട് പ്രതികൾ. മൂവരെയും പൊലീസ് അറസ്റ്റ് ചെയ്‌തു (Model Divya Pahuja Murder Gurugram, three accused arrested). ദിവ്യ പഹൂജ തന്‍റെ സ്വകാര്യ ചിത്രങ്ങൾ ഉപയോഗിച്ച് ഭീഷണിപ്പെടുത്തിയതിനെ തുടർന്നുണ്ടായ തർക്കമാണ് കൊലപാതകത്തിലേക്ക് നയിച്ചതെന്ന് പ്രതി പൊലീസിനോട് വെളിപ്പെടുത്തി.
തന്‍റെ സ്വകാര്യ ചിത്രങ്ങൾ കാണിച്ച് ദിവ്യ നിരന്തരം ഭീഷണിപ്പെടുത്തി പണം കൈപ്പറ്റിയിരുന്നു. എന്നാൽ, കുറച്ച് നാളുകൾക്ക് മുൻപ് ദിവ്യ ഭീമമായ തുക തന്നോട് ആവശ്യപ്പെട്ടു. ഇതോടെ ദിവ്യയുടെ ഫോണിൽ നിന്ന് തന്‍റെ ചിത്രങ്ങൾ എന്നന്നേക്കുമായി നീക്കം ചെയ്യണമെന്ന് തീരുമാനിക്കുകയായിരുന്നു. തുടർന്ന് ജനുവരി 2ന് ദിവ്യയെ ഹോട്ടലിലേക്ക് വിളിച്ചു വരുത്തി, ഫോണിൽ നിന്ന് തന്‍റെ സ്വകാര്യ ചിത്രങ്ങൾ നീക്കം ചെയ്യാൻ ആവശ്യപ്പെട്ടു.