ശ്രീനഗർ :ജമ്മു കശ്മീരിലെ ബുഡ്‌ഗാമിൽ സുരക്ഷാസേനയും ഭീകരരും തമ്മിൽ ഏറ്റുമുട്ടൽ. മോച്ച്‌വ പ്രദേശത്താണ് സംഭവം. ഒരു ഭീകരന്‍ കൊല്ലപ്പെട്ടതായി അധികൃതര്‍ അറിയിച്ചു. സംഭവസ്ഥലത്തുനിന്ന് എകെ 47 തോക്കും പിസ്റ്റളും കണ്ടെടുത്തിട്ടുണ്ട്.
അതേസമയം ബുഡ്‌ഗാമിലെ ചദൂര പ്രദേശത്ത് നിന്ന് രക്ഷപ്പെടാന്‍ ശ്രമിച്ചവരില്‍ ഒരു ഭീകരനെ സുരക്ഷാസേന അറസ്റ്റ് ചെയ്തതായി കശ്മീർ പൊലീസ് മേധാവി വിജയ് കുമാർ പറഞ്ഞു. ഇയാളിൽ നിന്ന് ഒരു പിസ്റ്റളും ഗ്രനേഡും കണ്ടെടുത്തു. കൂടാതെ ഇയാൾ സഞ്ചരിച്ച ട്രക്കിന്‍റെ ഡ്രൈവറെയും പൊലീസ് അറസ്റ്റ് ചെയ്തിട്ടുണ്ട്.